Аружан «Сұрақ-жауап» айдарында жүктілік кезіндегі жағдайы туралы бөлісті.
«Өзімді белсенді, сергек жүкті әйел боламын деп ойладым. Алайда іс жүзінде жүктіліктің көп бөлігінде жатып, әбден әлсіреп жүрдім», –
деп мойындады актриса
Оның айтуынша, үнемі жүрегі айнып, тіпті көрші көшелердегі дәмханалардан шыққан ас иісін сезетін болған.
Актриса қызының өсіп, өзін жақсы сезініп жүргенін де атап өтті. Аружан балалар – үлкен бақыт екенін, алайда ол бақыт оңайлықпен келмейтінін жасырмады.
«Перзентханада өткізген алғашқы күндері эйфорияда жүрдім. Барлығы өте жеңіл әрі оңай көрінді. Тіпті келесі күні-ақ екінші баланы дүниеге әкелуге дайын сияқты күйде болдым. Күш-қуатым тасып тұрды. Кейін білдім, ол гормондардың әсері екен», –
деді ол.
Босанғаннан кейінгі қиындықтарды актриса үйіне оралған соң сезіне бастаған.
«Туған-туыстар мен достар барынша көмектесіп жатыр, бірақ, Құдайым-ау, бұл сондай қиын!»,
– деп ағынан жарылды «Үшеуге арналған той» фильмінің жұлдызы.
Еске сала кетейік, 11 қараша күні Аружан алғаш рет ана атанды.
Фото: Instagram
