Актердің қызы Сафия әлеуметтік желідегі парақшасында әкесінің денсаулығына қатысты мәліметтермен бөлісті.
Оның айтуынша, актердің жағдайы бірқалыпты емес, күн сайын әртүрлі өзгеріп отырады.
«Әкемнің жағдайы кейде жақсы, кейде күрделі. Дегенмен біз үмітімізді үзбей, әрдайым жақсы ойда болуға тырысамыз. Өз парақшамда көбіне жаттығулар, жарыстар, жетістіктер мен өмірдегі жылы сәттерді ғана көрсетемін. Біз барынша позитивті дүниелерді бөлісуді жөн көреміз, ал көп нәрсе сырт көзге көрінбей қалады», –
деп жазды Сафия.
Сондай-ақ ол әкесінің рухани да, физикалық тұрғыдан да өте мықты адам екенін атап өтті.
«Соңғы бір жарым жылда әкем мен анам көптеген сынақтан өтті. Ауруханадан ауруханаға ауысып, сансыз тексеру, ем, химиотерапия және қалпына келу кезеңдерін бастан кешірді. Көп дүниені жұртшылыққа көрсетпейміз. Қазір бізді алға жетелейтін жалғыз нәрсе – сенім. Әкемнің жағдайы жақсаратынына, бір күні ремиссияға жететініне сенеміз. Бұл жолдағы ең ауыр сезім – бұрынғы жақсы күндерді еске алу. Соған қарамастан, әкем әлі де күресіп келеді», –
деді ол.
Белгілі болғандай, Мұрат Бисембин жақында инсульт алып, қазіргі таңда дәрігерлердің тұрақты бақылауында ауруханада ем қабылдап жатыр.
Фото: Instagram
