Димаш Құдайберген Швейцарияда болып, БҰҰ-ның Женевадағы Бас директоры Татьяна Валовамен кездесті. Бұл туралы әнші Instagram парақшасында бөлісті.
Димаш Құдайберген Instagram парақшасында сапар жайлы толығырақ айтып, пост жариялады. Кездесу барысында Димаш мен Валовая бірлескен жобалардың келешегін талқылады. Олар, сондай-ақ, белгілі тұлғалардың әмбебап адами құндылықтарды, бейбітшілік пен өзара түсіністік идеяларын ілгерілетудегі ерекше рөлін атап өтті.
«Құрметті достар, кеше Женева қаласына бардым, онда БҰҰ-ның Женевалық филиалының басшысы Татьяна Валоваямен кездестім.
Біз Ұлттар сарайында болып, Женева кітапханасы мен БҚҚ мұрағаттарындағы өнер туындыларымен, тарихи құжаттармен және нысандармен таныстық.
Сондай-ақ, Қазақстанның БҰҰ жанындағы Женевадағы Тұрақты өкілдігіне барып, қызметкерлермен және олардың отбасы мүшелерімен кездестім. Тұрақты өкіл Ерлан Әлімбаевпен кездесу барысында мен Женева алаңындағы жұмыста Қазақстанның басым бағыттарымен таныстым»,
делінген постта.
Филиалдың ресми сайтындағы ақпаратқа сәйкес, БҰҰ Женевада қарусыздануды ілгерілету, тұрақты даму мақсаттарына қол жеткізу, адам құқықтарын қорғау және көтермелеу, гендерлік теңдікті ынталандыру, кедейлікті жою және төтенше жағдайларда жедел және тиімді гуманитарлық көмек көрсету бойынша белсенді жұмыс істейді. Бөлім Тарихи Ұлттар Сарайында орналасқан — өткен жылы ғана 8000-ға жуық кездесу өткізілді, олардың әрқайсысы бүкіл әлемдегі адамдардың өміріне өзінше әсер етті.
Фото: Instagram
