Pexels: Loc Dang
Оның әрекетін бірден көңіліңе жақын қабылдап, кемшіліктеріңді іздеп кетудің қажеті жоқ. Жігіт бұлай істеуінің бірнеше себептері бар.
- Ол жақындықтан қорқады
Мүмкін саған жігіттің басында ғашық болып, бірақ қарым-қатынас пен сезім дамыған сайын шегінгенін байқаған боларсың.
Ғашық жігіттің сені алыстатуының бір себебі – жақындықтан қорқу. Ол мұны өзінің жағымсыз эмоцияларына мойынсұну арқылы байқаусызда жасайды.
Жақындықтан қорқу адамның қарым-қатынасты қалай қалыптастыратынына және қолдайтынына тікелей әсер етеді. Ол махаббаттан өз еркімен бас тартпайды, бірақ жақындасудан ыңғайсыздық сезіне бастаған сайын алыстайды.
Бірақ бәрінің шегі бар. Егер жігіт өзінің қорқынышымен күресу үшін ештеңе жасамаса және ол біраз уақытқа созылса, онда шегінуге тұрарлық жағдай шығар.
2. Ол сен үшін жақсы адам емеспін деп ойлайды
Жігіттің сені жақсы көруінің, бірақ сонымен қатар қашқақтауының тағы бір себебі – ол сенімен қарым-қатынас жасау үшін өзін лайықты адаммын деп сезінбейді.
Егер адамның өзін-өзі бағалауы төмен болса, мұндай жағдай орын алады – бұл туралы ашық айтсаң да, оған деген шынайы сезімің болуы мүмкін екеніне сенуі қиын. Өзіне және өзінің құндылығына күмәндану оны алыстатады, тіпті ол саған жақындағысы келсе де.
3. Ол қайтадан біреу жанын ауыртады деп қорқады
Егер сенің бір рет жүрегіңді жараласа, оның қаншалықты ауыратынын жақсы білесің. Бұл сенің көзқарасың мен қарым-қатынасыңа дақ қалдыратын нағыз өмірлік сынақ болуы мүмкін.
Таңқаларлық ақпарат емес, қатты жүрегі жараланған адамдар сақтықпен қарайды және махаббатты жүректеріне жіберуге батылы бармайды.
Жігітке тез ашылу, саған сенуі қиын болуы мүмкін, өйткені ол бұрынғы ішкі жараларын жазған жоқ.
4. Ол міндеттеме алудан қорқады
Мансапты өзгерту немесе басқа қалаға көшу сияқты маңызды өмірлік шешім қабылдаған кездегі мазасыз сезім саған таныс па? Ол жаңа қарым-қатынасты бастағанда да пайда болуы мүмкін, өйткені алда көптеген белгісіздіктер бар.
Әрбір адам мұндай эмоционалды жүктемені жеңе алмайды. Кейбір адамдар міндеттемелерден қатты қорқады, сондықтан кез келген жағдайда олардан аулақ болуға тырысады. Кейбіреулер жақсы көретін адамдардан бас тартуы мүмкін.
Мүмкін, жігіттің саған деген шынайы сезімі бар, сенімен уақыт өткізгісі және жақын болғысы келеді, бірақ қарым-қатынас әрқашан өзімен бірге белгілі бір міндеттемелер алып келетіндіктен, ішкі алаңдаушылығын жеңе алмайды.
Фото: Pexels
Дереккөз: HEROINE
