Картинаға арналған ресми орыс тіліндегі дубляж бүкіл орыс тілді аудитория үшін әзірленген.
Жоба аясындағы жұмысы туралы актриса Instagram желісінде бөлісіп, студиялық жазбаның сахна сыртындағы сәттерін көрсетті.
«Достар, сіздер үшін “Аватарды” дыбыстауға бара жатырмын», –
деп хабарлаған ол жұмыс басталар алдында.
Сильбаеваның айтуынша, дубляж процесі оңай болмаған әрі барынша зейінді талап еткен.
«Мысалы, “Аватарда” біз кейіпкердің жүзін ғана кішкентай шеңберден көрдік, ал экранның қалған бөлігі қара болып тұрды. Сондықтан кейіпкердің не істеп жатқанын бірден толық түсіне алмайсың. Нағыз сиқыр дубляж режиссерінің кәсіби жетекшілігі мен дыбыс режиссерінің ұқыпты, мұқият еңбегінің нәтижесінде пайда болады», –
деп бөлісті актриса.
Гүлнар Сильбаеваның жұмысы көрермендер тарапынан жоғары бағаланды. Пікір қалдырғандар оның образға дәл түсуін және дауыс мәнерінің әсерлілігін ерекше атап өтті:
«Фильмдегі ең үздік кейіпкерді дыбыстау – нағыз деңгей. Даусыңыз бен эмоцияларыңыз Варангпен толық үйлескен», «Кейіпкер мінезін 100 пайыз дәл жеткізген», «Фильмді көріп отырып, кейіпкерді кім дыбыстағанын ойламаппын, бірақ дауысының қандай әдемі екенін бірнеше рет байқадым», «Барлық кейіпкерлердің ішінде ең кәсіби әрі ең сәнді дубляж сіздікі болды», – деп жазды желі қолданушылары.
Фото: Instagram
