Белгілі қазақстандық заңгер Анна Димитриевич (Чернова) Президентке еліміздің Тұңғыш Президенті Нұрсұлтан Назарбаевтың Ұлттық экономика экс-министрі Қуандық Бишімбаевқа кешірім жасау туралы жарлығын қайта қарауды сұрады.
Заңгер өз хатында Бишімбаевтың кешірімін егжей-тегжейлі талдап, Президенттің кешірім жасау туралы жарлығы кешірім жасау мәселелері жөніндегі комиссияның шешімі негізінде шығарылатынын атап өтті.
«Яғни, сотталғанның алдын ала өтінішхатын комиссия қарайды, өз шешімін шығарады (оң немесе теріс), содан кейін ғана кешірім жасау туралы өтінішхатты Президенттің өзі қарайды. Комиссия оң шешім шығаратын белгілі бір ережелер мен шарттар бар. Бір өтініш аз. Тиісті құжаттар да ұсынылуы керек. Бұл қандай құжаттар екені бізге белгісіз»,
деді Димитриевич.
Ол егер экс-министр 2028 жылға дейін бас бостандығынан айыру орындарында болса, онда бұл қайғылы оқиға болмауы мүмкін екенін атап өтті.
«Құқықтық актілерді зерттегеннен кейін Президенттің Жарлығын Президенттің өзі жоя алады деген қорытындыға келеді. «ҚР Президенті туралы» Конституциялық заңға сәйкес, 24-бапта Республика Президентінің жарлықтарының күшін жою Республика Президентінің жарлықтарымен жүргізіледі делінген. Осыған байланысты, құрметті Қасым-Жомарт Кемелұлы, құқықтық негіздер болған жағдайда, Президенттің 13.02.2019 жылғы Бишімбаевқа кешірім жасау туралы жарлығының күшін жою туралы мәселені қарауды сұраймын»,
деп толықтырды заңгер.
Фото: Instagram
