Көп күш жұмсамай-ақ тамақпен қарым-қатынас орнатуға көмектесетін ережелерді ұсынамыз.
Әр тамақтанғанда көкөністер мен жемістерді қос
Кез келген түрде. Бұл өте қарапайым және нәтижелі ережесі. Мысалы, таңғы асқа ботқа немесе сүзбеге жеміс қосуға, түскі асқа көкөніс салатын қосуға, содан кейін кептірілген жемістер мен жаңғақтарды жеуге, ал кешкі асқа, басқалармен қатар, грильдегі көкөністерді жасауға болады.
80/20 ережесін ұстан
80%-ы пайдалы тағам болсын. Міндетті бөліктен – көкөністер, жемістер, ақуыздар, дәнді дақылдар, өсімдік майлары. Ал қалған 20 % – сүйікті (пайдалы емес) өнімдеріңе қалдыр.
Көк шөп – бұл пайдалы
Салат немесе көкөніс табақшасы кем дегенде бір негізгі тағаммен бірге жүрсін. Талшықтың көп мөлшері ас қорытуды жақсартады және тамақтанғаннан кейін ұзақ уақыт қанықтыруға көмектеседі.
Тәтті сусындардың мөлшерін азайт
Көбірек су мен қантсыз сусындар көптеген калорияларды үнемдейді. Бізге сұйықтық калориялы бола алмайтын сияқты, бірақ бұл мүлдем дұрыс емес. Тәтті сусындардың орнына көбірек су ішкен әлдеқайда пайдалы.
Тәттіні үйден тыс жерде же
Егер сен қонақта немесе мейрамханада тәтті жесең, тыйым салынбағанын түсінесің. Бірақ үйде шоколад пен торт болмасын, бұл зиян және өте калориялы.
Суды өзіңе ыңғайлы мөлшерде іш
Күніне екі литр су ішуге мәжбүрлеудің қажеті жоқ. Ия, сұйықтықтың қажетті мөлшерін тұтынуға тырысуың керек, бірақ ішкен әрбір стаканды санап, өзіңді мәжбірлеудің қажеті жоқ.
Фото: Instagram/ @mirandakerr/ Unsplash
