Көптеген адамдар ақшаға бақытты сатып ала алмайсың дейді. Психологтар бұған бәс тігуі мүмкін, өйткені осы үш нәрсе үшін ақша төлеп, өз өміріңді жеңілдетуге болады.
Махаббатты ақшаға сатып алуға бола ма? Жоқ. Ал, бақытты? Сен үшін бақыт ұғымына не жатады соған байланысты, солай ма? Әрқайсымыздың өз қызығушылықтарымыз болса да, аздап жеңіл және тыныш өмір сүру үшін ақша төлеуге тұрарлық нәрселер бар. Жоқ, біз тұрғын үй түрі, негізгі жайлылық және жаңа сөмке немесе K-pop үнтаспасы туралы айтып тұрған жоқпыз.
Көптеген жылдар бойы ғалымдар ақшаны жұмсаудан бізді бақытты ететін және қанағаттандыратын бірнеше тиімді сатып алатын заттарды анықтай алды. Мүмкін сен қазірдің өзінде түсініп тұрған шығарсың, бірақ мәні шығындардың өзінде емес, өзіңе деген инвестиция салуда. Жақында алатын жалақыңды ұялмай қайда жұмсау керектігін көрсететін 3 кеңесті оқы.
Жаңа қызықты тәжірибе және саяхат
Тәжірибе сатып алу — бұл сенің психологиялық денсаулығың үшін жасалатын ең тиімді инвестиция. Мұны Корнелл университетінің психологтары Томас Гилович пен Амит Кумар атап өтті, олар бірнеше зерттеулер жүргізіп, өмірлік тәжірибе материалдық игіліктерден гөрі бақыт әкелетінін анықтады.
Ақыр соңында, кез-келген (тіпті ең сәнді) нәрсе уақыт өте келе құнсызданады, ал сенің Жаңа Зеландиядағы барған саяхатыңның ұмытылуы екіталай. Сондықтан кішкентай сапарларды да назардан тыс қалдырма, өйткені олар сенің миыңды қалпына келтіре алады.
Жақындарыңа арналған сыйлықтар және қайырымдылық
Иә-иә, басқалардың бақыты үшін қосқан үлесің сені де бақыттырақ ете алады. Британдық Колумбия университетінің профессоры Элизабет Даннның зерттеуі жақындарының қуанышының әсері сыйлық берген адамның өзіне әлдеқайда рахат әкелетінін анықтады (бұл күтпеген ақпарат).
Сондықтан сыйлық беру дәстүрі әлеуметтенудің негізі бола отырып, әлемнің барлық дерлік мәдениеттерінде тамыр жайған. Сен досыңды кешкі асқа шақыра аласың немесе қайырымдылыққа ақша аударсаң болады — саған жақынырақ нұсқаны таңда.
Өзің үшін бос уақыт
Қазіргі уақытта демалуға, хоббиге және өзін-өзі дамытуға уақыт бөлу өте қиын. Мұндай жағдайда жасай алатын ең жақсы нәрсе — өзіңе қосымша бірнеше сағат немесе күн сатып алу. Мұны Гарвард бизнес мектебінің профессоры Эшли Уилланс растады, ол зерттеу барысында өздерін күнделікті өмірден босатып, жұмыстың бір бөлігін тапсырып, өзіне уақыт бөлетіндер өздерін бақытты сезінетінін анықтады.
Мысалы, егер сен күні бойы үйді тазалауға жұмсасаң, мұны арнайы мамандарға тапсырып және бұл күнді өзің қалағандай өткізе аласың. Егер сен блог жүргізсең, онда сен үшін жұмыстың бір бөлігін жасайтын редакторды іздесең болады. Иә, сен оған ақша жұмсауың керек, есесіне демалып, сергек жүресің.
Фото: Unsplash
