Оларды сұлулық әдеттеріңе енгізу өте оңай!
Нью-Йорктегі косметолог Джоанна Чехті Ким Кардашяннан Дженнифер Энистонға дейінгі көптеген атақты адамдар сұлулық тәртібіне қарапайым, бірақ тиімді көзқарас үшін жақсы көреді. Refinery29-ге берген сұхбатында ол үйде күтім жасаудың бес негізгі кеңесімен бөлісті:
Тонер — басты кейіпкер. Доктор Чех былай дейді: «Тонер — тазартудан кейінгі ең маңызды кезең. Бет жууға арналған құралдарды қолданған кезде сен терінің рН деңгейін төмендетесің, ал тонер бейтарап тепе-теңдікті қалпына келтіреді».
Күтім тек жақ сызығымен шектелмеуі керек.
«Біртүрлі естіледі, бірақ бет күтімі кеудеден басталып, шаш сызығымен аяқталады. Көптеген адамдар мойын, иық және ерін аймақтарын ұмытады, бірақ олар жасыңды көрсетіп тұрады»,
деп түсіндірді сарапшы.
Екі кезеңмен тазарту? Міндетті емес. Бұл косметологты ашуландырады: «Мен бұл ереженің қайдан шыққанын түсінбеймін. Мен терім таза болғанша бетімді жуамын. Егер макияж жасасам, гидрофильді бальзам мен көбікті қолданамын. Егер жасамасам, тек бет жууға арналған гельді қолданамын».
Сен қара нүктелерді сыға аласың, бірақ ақырын. Доктор Чех қара нүктелер мен безеулерді өз еркімен басудың жанкүйері емес, бірақ егер қатты қаласаң, ол майлықтар мен мақта жастықшаларын қолдануға кеңес береді. «Теріні зақымдамау немесе тырнап алмау үшін баяу қимылда», – деп түсіндіреді ол.
Ұйықтар алдында бетке қолмен массаж жасау. «Ылғалдандырғыш крем қолданған кезде бет бұлшықеттерімен жұмыс жаса. Сен терің жарқырай бастағанын байқайсың және ісіну кетеді», – қарапайым, әрі пайдасы бар маман кеңесі.
Фото: Instagram
