2022 жылдың желтоқсан айының соңында қазақстандық әнші Димаш Құдайберген «Болашақ» халықаралық стипендиясының иегері атанды. Алайда әнші басқа адамға пайдалы болу үшін одан бас тартты.
Димаш Құдайберген New York Film Academy-де «режиссура» мамандығы бойынша тағылымдамадан өтуі керек еді. Бірақ Димаш журналистке берген сұхбатында Лос-Анджелесте оқу барысымен жүрмегенін айтты. Әйгілі «Титаниккке» арналған әннің авторы, музыкалық продюссер Уолтер Афанасьефпен ән жазу үшін барғаны белгілі болды.
«Менің өз концерттік қызметім бар. Бүкіл әлемде мен өз жанкүйерлеріммен кездесемін. Мен мұның бәрін оқумен қалай үйлестіремін деп ойладым. Көптеген адамдар мені Лос-Анджелесте оқиды деп ойлайтынын естідім. Мен жұмыс барысымен жүрмын. Мысалы, Бейжіңде 4 жарым жыл тұрып, көптеген композиторлармен жұмыс істедім. Енді мен АҚШ-та тұрамын, бірақ мен еш жерде оқымаймын»,
деп түсіндірді Димаш.
Димаш Құдайберген «Болашақ» стипендиясын келесі жылы қазақстандыққа сыйлайтынын айтқан болатын.
Алайда, Халықаралық бағдарламалар орталығында «Болашақ» халықаралық стипендиясы дербес болып табылатынын және басқа тұлғаға берілмейтінін атап өтті.
«Байқау жеңімпазы «Болашақ» стипендиясынан бас тарта алады. Бірақ бұл жағдайда стипендиат стипендия берілген күннен бастап оған жұмсалған барлық шығындарды өтеуі керек»,
деп түсіндірді орталықта.
Фото: Instagram/ @kudaibergenov.dimash
