Ғаламтордағы танысу сөмкедегі мысық сияқты: қандай адаммен хат жазысып жатқаныныңды түсінбейсің.
Сондықтан, көптеген адамдар онлайн танысуды ұнатпайды. Осы материалдан жаңа достарды немесе өмірлік серікті қалай және қайдан іздеу керектігін білесің.
1. Іс-шараларға қатыс
Егер ұқсас қызығушылықтары бар біреуді кездестіргің келсе, әр түрлі іс-шараларға жиі қатыс. Бұл музыкалық топтардың қойылымдары, көрмелер, кештер және басқа да шаралар болуы мүмкін.
Мұндай кездесулерде адамдармен неғұрлым көп аралассаң, жаңа серіктестен қызықты компанияға дейін ерекше біреуді кездестіру мүмкіндігі соғұрлым жоғары болады.
2. Еріктілер қатарына жазыл
Еріктілік қоғамға пайда әкелуге және игі іс жасауға көмектеседі. Сондай-ақ, бей-жай қарамайтын адамдармен және пікірлес адамдармен кездесуге көмектеседі. Сонымен қатар, альтруизм және әлемді жақсартуға деген ұмтылыс көптеген адамдар үшін тартымды қасиеттер болып табылады.
3. Оқу курстарына қатыс
Курстарға немесе шеберлік сабақтарына қатысу арқылы көптеген қызықты адамдармен кездесуге болады.
Ағылшын тілін, аспаздық немесе шешендік шеберлікті жетілдіруге батыл бар. Жаңа нәрсені үйрену кезінде біреумен кездесу көптеген эмоциялар мен тақырыптарды одан әрі талқылауға мүмкіндік береді.
4. Спортзалға немесе жүгіруге бар
Фитнес, йога, саябақта жүгіру немесе марафон — көптеген жаңа таныстарды, қызығушылықтарың бір адамдарды табуға көмектеседі. Сонымен қатар, бұл сенің әлеуметтік байланыстарыңа ғана емес, денсаулығыңа да пайдалы болады.
Егер спорттың қандай да бір түріне қызықсаң және сенің қалаңда пікірлес адамдар бірлестігі немесе клуб болса, оған қалай қосылуға болатындығын білгенің жөн.
5. Бейтаныс жерлер мен мекемелерге бар
Біз бір кафеге барған кезде, біз білетін адамдармен әрқашан кездесуге үлкен мүмкіндік бар. Жаңа біреумен танысу үшін баратын әдеттегі орындар мен мекемелерді ауыстырған жөн.
Уақытты аяма және біреумен танысу үшін қаланың арғы жағындағы караокеге немесе кофеханаға бар, сонымен бірге жаңа тәжірибе жинайсың.
Фото: Unsplash
