
Ауыр және ұзақ жаттығулардан кейін кейбір адамдар ішімдік ішуі мүмкін, белгілі болғандай, мұндай әдет денсаулыққа мүлде пайдалы емес. Жаттығудан кейін денеге сұйықтық деңгейін қалпына келтіру қажет, ал ішімдік денені сусыздандыруға әсер етеді.
Неліктен жаттығудан кейін ішімдік ішуге болмайды?
Бұл сусыздану қаупін арттырады. Кофеин сияқты, ішімдік те несеп айдағыш болып табылады, яғни ол сенің денеңді көбірек сұйықтық шығаруға итермелейді.
Жаттығудан кейін гидрадацияны қалпына келтіруге тырысып жатқанда кедергі келтіреді.
Сертификатталған спорттық диетолог Роджер Адамс адам жаттығу жасаған кезде, әсіресе жоғары қарқындылықта немесе ыстық климатта, дене салқындауға тырысқанда терлеу арқылы көп мөлшерде сұйықтықты жоғалтатынын айтты.
Жаттығудан кейін сұйықтық деңгейін қалпына келтіру маңызды. Ішімдік ішу бұл процесті кешіктіруі мүмкін.
Сонымен қатар, сенің денең сусызданған кезде ішімдік мидың жұмысына тереңірек әсер етіп, ойлау қабілетін нашарлатады және қауіпті мінез-құлыққа ықпал етеді.
Жарақатқа әсері
Ішімдік сенің денеңнің табиғи емдік қабілеттеріне кедергі келтіруі мүмкін, мысалы, қанның ұю қабілеті. Жаттығудан кейін ішімдік ішу қалыпты жағдайға оралу процесін баяулатуы мүмкін, сондықтан жаттығу кезінде алған жарақаттар баяу жазылады.
Ағза үшін үлкен стресс
Ішімдік белсенділікті немесе мидың қозғалысқа, тілге және шешім қабылдауға жауап беретін бөліктерін төмендетеді.
Жүйке жүйесі жаттығу залында жаңа ғана бастан өткерген стрессті жеңу үшін айтарлықтай энергияны жоғалтады. Жаттығудан кейін ішу арқылы сен денеңе жасушалық деңгейде тепе-теңдікті табуды қиындатасың. Бұл өз кезегінде дененің метаболикалық және жүрек-қан тамырлары процестерін одан әрі күшейтеді, бұл дұрыс жолмен қалпыңа келуге кедергі келтіруі мүмкін.

Не істеу керек
Егер сен жаттығудан кейін ішімдік ішуді шешсең, жағымсыз әсерлерді азайту үшін бірнеше нәрсе жасай аласың.
Алдымен ылғалдандыру
Ішімдікті ішпес бұрын, тер арқылы жоғалтқан сұйықтық мөлшерін толтыру үшін жеткілікті мөлшерде су ішуді ұмытпа.
Сонымен қатар, ішкен кезде ішімдіктен үш есе көп су ішуге тырыс.
Жаттығудан кейінгі қоректік тағамдар
Көмірсулардан да, ақуыздардан да тұратын тағам немесе тіскебасарлар бұлшықеттердегі энергия қорын қалпына келтіруге көмектеседі. Ішімдікті тұтынған кезде жеңіл тағамдар оның сіңуін бәсеңдетуге көмектеседі.
Жаттығудан кейін ішу сен үнемі жасауың керек нәрсе емес, өйткені бұл қалпына келтіру процесін баяулатады, жарақаттарды нашарлатады және сусыздануға бейім етеді.
Фото: Pexels