Жаңа жұбыңмен бәрі тамаша, бірақ бұрынғы сүйіктің туралы ойлар тыныштық бермей жүр ме? Алдымен біле жүр — бұл жиі кездесетін құбылыс. Психотерапевт Николь Сондерс HuffPost-қа берген сұхбатында бұл нені білдіретінін айтты.
«Сіздің қазіргі тәжірибеңіз өткенді еске түсіретіні табиғи нәрсе. Мысалы, егер сіздің жаңа жұбың төсекте таңғы аспен еркелеткенді ұнатса және бұл сіздің бұрынғы адамыңызбен таңертеңгілік жоспарыңыздың бір бөлігі болса, естеліктер табиғи түрде ойға келеді».
Егер алдыңғы қарым-қатынастар сен үшін жалпы жағымсыз және травматикалық тәжірибе болса да олар туралы жылулықпен еске алуың мүмкін. Психологтар мұны «эйфориялық естелікте деп атайды, қарапайым тілмен айтқанда, сен тек жақсы нәрселерді есте сақтайсың. Сондай-ақ, әлеуметтік желілерді есептен шығаруға болмайды. Егер бұрынғы сүйіктіңнің өмірін қадағалай берсең, ол туралы жиі ойлайтының таңқаларлық жағдай емес.
Бұл мәселеде жалпы қабылданған норма жоқ: біреу ортақ балалар үшін қарым-қатынасты сақтауы керек, кейбіреуі достық қарым-қатынасты жалғастырады. Алайда, егер өткен роман туралы мазасыз ойлар бос уақыттың көп бөлігін алып, сенің энергияңды кетірсе — маманнан көмек сұра.
Фото: Pexels
