Өзгерісті қалау мен оған қарай жылжудың арасында үлкен айырмашылық бар. Екінші жағдайда, жаңа әдеттер пайда болады — олар әдеттегі өмір салтына әсер етеді және қысқа мерзімде өзгеруге көмектеседі.
Баяулай білу
Бірнеше жыл бұрын нағыз өнімділік культі болды: біз барлық жерде үлгеру қаншалықты маңызды екенін естідік. Өмірі мәңгілік жарыс болған адамдар да одан шаршады және баяулаудың қаншалықты маңызды екенін түсінді. Бұл қазіргі уақыттан ләззат алуға, өмірді талдауға және оны қалай көргің келетінін түсінуге мүмкіндік береді.
Баяулауды үйренген кезде, сен не қалайтыныңды нақты біле аласың, алаңдаушылықтан арыласың және өмірден қажетсіз нәрсені алып тастай аласың.
Таңертеңгілік тәртіп
Төсектен тұрмас бұрын өзіңді ұялы телефонды тастауға қаншалықты жиі мәжбүр етесің? Немесе көп ұйықтағаның үшін таңғы астан бас тартасың ба? Егер таңертең қарбалас болса, күннің сәтсіз болу мүмкіндігі артады.
Таңертең нақты жоспар құрған кезде сенің өмірің жақсы жаққа өзгереді. Жарты сағат бұрын оянуды баста, аш қарынға бір стақан жылы су іш, жеңіл жаттығулар жаса және таңғы ас іш. Күн сайын таңертең бір күнге жоспар құрып, оны ұстануға үйрет. Бірнеше аптадан кейін сен фокус қоя біліп және позитивті болып, стресс деңгейі төмендегенін байқайсың.
Алғыс айту тәжірибесі
Мүмкін сен ең жақсының бәрі алда күтіп тұрғанына толық сеніммен өмір сүріп жатқан шығарсың. Егер солай болса, онда өмірде сенімен болып жатқан жақсы сәттерді байқауды әлдеқашан тоқтатқансың. Онымен күресудің жалғыз жолы — бұрыннан бар нәрсеге ризашылық білдіру.
Мысалы, сен арнайы дәптер алып, күн сайын өзіңе және айналаңдағыларға ризашылығыңды жаза аласың. Бұл үлкен нәрсе болуы міндетті емес. Сонымен қатар, ұсақ-түйектерге назар аудару, оларды байқау маңызды.
Спорттық жүктемелер
Жағымды физикалық белсенділік сенің өміріңнің бір бөлігі болуы керек. Бұл спорт сұлулықты сақтауға көмектесетіндіктен ғана емес. Күнделікті белсенділік эмоционалды және психикалық денсаулықты сақтау үшін маңызды. Біз жаттығу кезінде дене эндорфиндерді — жақсы көңіл-күйге жауап беретін гормондарды шығарады.
Уайымдама: марафонға қатысып, барлық бос уақытыңды жаттығу залында өткізудің қажеті жоқ. Жаяу жүру, таңертең жаттығу жасау және күні бойы көбірек қозғалу жеткілікті.
Әлеуметтік желіден детокс
Демалыс күндері кем дегенде екі аптада бір рет әлеуметтік желілерден демал. Ең көп уақытты қажет ететін қолданбаларды жой немесе бөлек қалтаға жасыр және шынайы өмірге ауыс. Достарыңмен кездесулер ұйымдастыр, дүкенге, сұлулық салондарына бар немесе жай кітап оқы. Осыны әдетке айналдырған кезде, сен өзіңді жақсы сезінесің. Мазасыздық деңгейі төмендейді және сана тазарады.
Детоксты қызықты ету үшін достарыңа «смартфонсыз кім ұзақ өмір сүреді» ойынын ұсын. Ойын ережелеріне сәйкес, барлық қатысушылар ұялы телефондарды бір жерге қояды және кеш бойы оларға қол тигізбейді. Гаджетке бірінші қолын созған адам ұтылады.
Фото: Unsplash
