Жақын арада Қазақстанның барлық қалаларында әйелдер полиция учаскелері ашылады, деп хабарлады Мәжіліс Төрағасы Ерлан Қошанов Орталық Азия елдерінің әйелдер диалогының халықаралық конференциясында.
«Қазақстанда алғаш рет пилоттық режимде әйелдер полиция бөлімшесі құрылды, онда тек әйелдер ғана жұмыс істейді. Енді зардап шеккен әйелдер мұндай учаскеге өз қиындықтарымен еркін келіп, қорғауды сұрай алады. Жақын арада бұл тәжірибе бүкіл ел бойынша ауқымды болады», — деді Қошанов.
Ол «кейде әйелді тек әйел ғана түсіне алады» деп баса айтты, сондықтан әйелдер мен кәмелетке толмағандарға қатысты зорлық-зомбылық қылмыстарын тергеу үшін әйел тергеушілердің штаттық бірліктері енгізілді. Республика бойынша жедел-тергеу топтарының құрамына 280 әйел-тергеуші енгізілді.
Жалпы, Қошановтың айтуынша, Қазақстанда соңғы екі жылда әйелдерді зорлық-зомбылықтан қорғау жөніндегі инспекторлардың штат саны екі есеге артты.
Осы жылдың қазан айының басында Қарағандыда алғашқы әйелдер полиция бөлімшесі ашылды. Жобаның мақсаты –тұрмыстық зорлық-зомбылықтан зардап шеккен әйелдерге көмектесу. Учаске Тәттімбет көшесі, 709 мекенжайындағы жаңа ХҚКО ғимаратында орналасқан.
Фото: Pexels
