Некеге тұрған көптеген әйелдер тәуелсіздігінің аяқталуы мүмкін деп алаңдайды. Жақсы қарым-қатынас, әдемі отбасы үшін жеке басын жоғалтуға міндеттейтін сияқты көрінуі мүмкін.
Бірақ, мұндай сенім қате. Сен тәуелсіз болып, сонымен бірге мықты және бақытты отбасы құра аласың. Мұны қалай жасауға болатыны туралы бірнеше кеңестер берілген.
Жеке қалуға уақыт бөл
Күніне 24 сағат жұбайыңның жанында болу мүмкін емес. Сонымен қатар, мұндай «жақындық» қарым-қатынасты жақсартудың орнына зиян тигізуі мүмкін.
Егер сен тәуелсіздікті сақтағың келсе, сондай-ақ некеде үйлесімділік болғанын қаласаң, жалғыз өткізетін уақытыңды жоспарла, сонымен қатар жұбайыңның осыған ұқсас әрекетіне кедергі жаса.
Өзіңмен жалғыз қалғанда, сенде өмір туралы ойлауға, сүйікті хоббиіңмен айналысуға, демалуға немесе өзіңмен қайта байланысуға мүмкіндік бар.
Бір-біріңнен бөлек уақыт өткізу байланысты нығайтуға және сенімділікті арттыруға көмектеседі.
Өзіңнің қаржыңды басқар
Тәуелсіздіктің маңызды түрлерінің бірі — қаржылық тәуелсіздік. Өз ақшаң бар екенін сезіну, оны қалағаныңша жұмсай алатының өзіңе қолайлы.
Үйде балалармен отырсаң да, жұмыс жасасаң да, бюджетті жоспарлауды баста және ақшаның бір бөлігін тек өзің үшін сақта. Қаржылық еркіндікке қол жеткізе отырып, некеде тәуелсіздікті қалай сақтау керек екенінің жолы:
Жеке шотың болсын
Өз жеке шотыңа ие болудың еш жаман жері жоқ. Жұбайың ол туралы білмеуі немесе оған қол жеткізе алмайтынын білуі мүмкін. Бұл ақшаны үнемдеуге, сондай-ақ кез келген күтпеген жағдайда үрейленбеуге көмектеседі.
Шығындарыңды қадағала
Қаржыны қадағалауға келетін болсақ, бірінші қадам бюджетті құру және ең қажетсіз шығындарды анықтау болады. Мұқият бол және ақшамен жиі кездесетін қателіктерді болдырмауға тырыс.
Рұқсат сұрамай, жұбайыңа ниетің туралы хабарла
Егер сен қарым-қатынаста тәуелсіздігіңді сақтағың келсе, «бола ма» сөзінен бас тарт. Жұбайыңнан бір нәрсеге рұқсат сұраудың орнына, оған ниетің туралы хабарла.
Мысалы, сен кешке құрбыңмен кафеге барғың келеді. «Араймен бірге кофе ішуге барсам бола ма?» — деп сұрама. «Арай мені бүгін кафеге шақырды, мен онымен сөйлескім келеді», — деп айт.
Біріншіден, бұл тактика сені кішкентай қыз емес, ересек және өзін-өзі қамтамасыз ететін адам ретінде көрсетеді. Екіншіден, сен не істегің келетініне сенімді екеніңді естігенде, күйеуіңнен қолдау аласың.
Фото: Unsplash
