Ұлыбританияның Ашық университетінің бизнес мектебінің ғалымдары әл-ауқаты жоғары адамдарға тән жеке қасиеттерді анықтау мақсатында зерттеу жүргізді.
Зерттеуге 3240 адам қатысты. Ғалымдар әл-ауқатты субъектілердің меншігі, жинақтары, инвестициялары және құнды физикалық заттары бар-жоғын ескере отырып бағалады.
Респонденттер демографиялық сауалнамаларды толтырды. Олар сондай-ақ мүлік пен табыс деңгейі туралы хабарлады. Зерттеу нәтижесінде әл-ауқаттың жоғары деңгейі адал адамдарда жиі кездесетіні белгілі болды. Олар ережелерді ұстануды, көп жұмыс істеуді, тапсырмаларды мұқият орындауды, сондай-ақ өз қызметін тиянақты жоспарлауды және ұйымдастыруды жөн көреді.
Бай адамдарда байқалған тағы бір көрсеткіш эмоционалды тұрақтылық болды. Сонымен қатар, бұл қасиет адамның жинақ жасау қабілетіне оң әсер етеді.
Сондай-ақ, адамның байлығына оның өмірдегі жаңа нәрсеге ашықтық дәрежесі, мейірімділік пен экстраверсия әсер етуі мүмкін. Дегенмен, соңғы қасиет әрқашан қаржылық табысқа ықпал ете бермейді. Зерттеушілер экстраверттер шығындар мен инвестицияларға қатысты шешімдерде импульсивті болуы мүмкін екенін атап өтті.
Фото: Unsplash
