Новосибирск маңында шұғыл түрде қонған ұшақтың жолаушыларына өтемақы төленді.
«Ақша 158-ға берілді, әрқайсысы 100 мың рубль (шамамен 519 мың теңге)»,
делінген хабарламада.
Тағы бірнеше адам бұл мүмкіндікті білсе де, төлем туралы өтініш берген жоқ.
Еске сала кетейік, Сочиден Омбыға барған «Орал Авиакомпаниясының» A-320 ұшағы 12 қыркүйекте Новосибирск облысында шұғыл қонды. Бортта 161 жолаушы болды, оның ішінде 21 бала, апаттық қону салдарынан олардың ешқайсысы зардап шеккен жоқ. Ұшақ бортында қазақстандықтар да болды.
Осы рейспен ұшқан еліміздің азаматы Павлодар қаласының тұрғыны Ольга Мұхутдинова бұл «ол үшін қорқынышты оқиға» екенін атап өтті.
Ақпарат көзі: Tengri News
