«1286» қазақстандық сериалы Пусан кинофестивалі аясында өтіп жатқан Best Asian Contents & Global OTT Awards фестивалінде «Үздік азиялық контент» номинациясы бойынша жүлдеге ие болды.
Salem social media видеоплатформасының отандық кинорежиссерлері Пусанда ерекшеленді. Дәл сол жерде 1996 жылдан бастап кино әлеміндегі маңызды іс-шара өткізіліп келеді.
Қазылар алқасының мүшелері Salem social media қазақстандық сериалына «Үздік азиялық контент» номинациясы бойынша жеңіс сыйлады.
«1286» — бұл адам ұрлау және оларды құлдыққа сату туралы сериал. Оқиға 1997 жылы орын алады. Адал жар және дәрігер Аман еңбек етіп, басқаларға үлгі болуға тырысады. Барлығы оны заңсыз ұрлап, еңбек құлдығына сатқан кезде өзгереді.
Киносериал режиссер Әлішер Утевтің екінші туындысы болды. Түсірілім барысы 2022 жылдың тамызынан қазанына дейін өтті.
«+1 Жеңіс. «1286» сериалы халықаралық беделді Пусан Фестивалінің ACA & Global OTT Awards премиясында «Үздік Азиялық Контент» номинациясын жеңіп алды! Sәlem үшін жеңіс! Бүкіл Қазақстан үшін осындай әлемдік сахнада болу — жеңіс! Әрі қарай көбірек! Бүкіл команданы құттықтаймыз!»,
деп жазды режиссер Instagram парақшасында.
Фото: Salem Entertainment
