Қазақстан Ұлттық Банкі 25 желтоқсаннан бастап айналымға жаңа банкноталар енгізді.
2023 жылғы үлгідегі жаңа дизайнның номиналды құны 5 000 теңге болатын банкнот кіреді. Бұл «Сақ стилі» жаңа сериясының алғашқы банкнотасы. Ол дәстүрлі қазақ ою-өрнегінің бастаушысы болып саналатын және көшпенділердің бірегей мәдениетінен қазіргі Қазақстанға дейінгі ел мұрасын бейнелейтін «Сақ стилінің» элементтеріне негізделген.
Банкноттардың түсі қызыл, қызғылт сары. Алдыңғы жағында:
- көкте қалықтап ұшқан құспен «Өмір ағашының» бұтағы (Есік қорғаны, б. д. д. 5-4 ғғ. Алтын адам бас киімінің бір бөлігі, табиғат пен наным байланысының қасиетті мағынасы);
- ДНҚ спиралы және адамның табиғатпен байланысын білдіретін ою-өрнекпен стильдендірілген шексіздік символы;
- жәдігер — бүркіт фигурасы түріндегі безендіру (Қорған Талды II, б.д. д. 7-6 ғғ.; бүркіт шексіз еркіндіктің, күш пен ептіліктің символы ретінде).
Банкнотаның сырт жағында ою-өрнекпен безендірілген қалқан фонындағы бүркіт бейнеленген. Негізгі бейненің артында дөңгелек қазақтың ою-өрнегі орналасқан. Бұл бейне мына идеяларды білдіреді:
- «Қалқан» — құндылықтарды қорғау,
- ежелгі символ — әлемнің төрт құбыласы,
- ортасындағы күн белгісі — өмірдің символы.
Сондай-ақ, банкнотаның артқы жағында қанаттары жайылған бүркіттің бейнесі орналасқан (Берел қорғандары «Патшалар Алқабы», б.д. д. 8-7 ғғ., ШҚО, безендіру элементі, еркіндік пен үйлесімділіктің символы). Банкнотаның ортасында Шарын каньонының ландшафты көрінісі орналасқан «шексіздік» қазақтың ою-өрнегінің фон-контуры бар.
Номиналы 5 000 теңге болатын жаңа банкноталар 2023 жылғы 25 желтоқсаннан бастап айналымға енеді және жыл бойы айналымдағы 2011 жылғы үлгідегі номиналы 5 000 теңге болатын ұлттық валюта банкноталарымен (бұдан әрі - ескі үлгідегі банкнота) ауыстырылады.
«Ескі үлгідегі барлық банкноттар жыл бойы айналымнан біртіндеп алынатын болады. Тиісінше, осы параллель айналым кезеңінде халыққа ескі үлгідегі банкноттарды екінші деңгейдегі банктердегі немесе ҰБК филиалдарындағы жаңа банкноттарға дербес айырбастаудың қажеті жоқ. Ескі және жаңа үлгідегі банкноттардың қатар айналым мерзімі 2023 жылғы 25 желтоқсанынан 2024 жылғы 24 желтоқсанға дейін жарамды болады»,
деп хабарлады Ұлттық Банк.
