Денсаулық сақтау министрлігінің бас штаттан тыс онкологы, онкология және радиология институтының басшысы Диляра Қайдарова ОКҚ брифингінде жатыр мойны обырының негізгі қоздырғышы адам папилломавирусына қандай вакцина егілетінін айтты.
Диляра Қайдарова жыл сайын Қазақстанда жатыр мойны обырының 1900-ге жуық жаңа жағдайы тіркелетінін, орта есеппен 600-ден астам әйел осы патологиядан қайтыс болатынын атап өтті.
«11 жастан 13 жасқа дейінгі қыздар егіледі, өйткені бұл жаста иммундық жүйе қалыптасады және вакцина өмір бойы жұмыс істейді»,
деді ол.
Вакцинация ата-анасының ақпараттандырылған келісімімен тегін жүргізілетінін атап өтті.
«АПВ вакцинасының құрамында тірі вирустар жоқ, бірақ иммунитетті белсендіретін және ешқандай ауру тудырмайтын вирустың жеке ақуыздары қолданылады»,
деді Қайдарова.
Ол 10 жыл бұрын осындай компания өткізілгенін, бірақ екі қыз есінен танып қалғаннан кейін тоқтатылғанын еске салды.
«2023 жылы үлкен зерттеу жүргіздік. Біз сол кезде вакцинацияланған және зерттеу жүргізген қыздарды таптық. Олардан АПВ талдауларын алдық және бала туу қабілеттерін тексердік. АПВ 16-17 түрі анықталмады (бұл қатерлі ісік тудыратын вирус түрі). 10 жыл өтті. Ол қыздар босанды, етеккір функциясы мен босану қабілетіне ешқандай әсер етпеді»,
деп қосты онколог.
