Блиц бойынша екі дүркін әлем чемпионы Бибісара Асаубаева оқырмандарына құттықтаулары үшін алғысын білдірді, сондай-ақ жаман ниет білдірушілердің пікірлеріне жауап берді.
«Құттықтауларыңыз бен ізгі тілектеріңіз үшін рахмет. Олар өте көп болды. Мен бәрін оқыдым және бәріне ризамын. Негативсіз де болмады.
Біріншіден, адамды бұғаттау үшін тек үш батырманы басу керек. Екіншіден, сіз менің қандай адам екенімді, мен және менің отбасым қандай жолдан өткенін білмейсіз, сондықтан менің әрекеттерім мен сөздерімді бағалау сізге байланысты емес.
Алдымен, кем дегенде, менің нәтижелеріме қол жеткізіңіз, содан кейін мен сізді тыңдайтын шығармын. Егер сізге ұнамасам, жай ғана өтіп кетіңіз, мен сізден қалай дұрыс өмір сүруім керек деп сұрамадым»,
деп өз ашуын білдірді.
Естеріңізге сала кетейік, Нью-Делиде (Үндістан) өткен Гран-при кезеңінде Асаубаева ресейлік Александра Горячкина мен қытай спортшысы Чжу Цзиньэрмен қатар үздік үштікке енген болатын. Қосымша көрсеткіштер бойынша Қазақстан Горячкинаның көшбасшылығынан кейін екінші орынға ие болды.
Айта кету керек, турнир басталғанға дейін Жансая Абдумалик ұйымдастыру деңгейінің төмендігіне байланысты қатысудан бас тартып, Үндістаннан кетуге шешім қабылдағаны үшін Бибісара екеуінің арасында түсінісбеушілік пайда болған болатын.
Фото: Instagram/ @bibisarachess
