Маңызды жобаларды қашан бастаған дұрыс? Көктемде неден бас тартқан жөн? 2026 жылға арналған барлық жұлдызнама белгілеріне арналған егжей-тегжейлі жұлдыз жорамал алдағы жылдың құпия пердесін сәл де болса ашады: жаңа жылда жұлдыздар не уәде етеді?
Тоқты
2026 жыл сұрақтарға, жаңаруға және тұлғалық өсуге толы болмақ. Қаңтардың соңында қоғамдық қағидаларға қарсы шығуға деген ниет ішкі отты тұтатуы мүмкін. Өз стандарттарыңды қалай қайта қарастыра аласың? Сен үшін мінсіз рөл немесе өмірлік миссия қандай? Наурыз бен сәуір – жұмыс пен өмірлік қарым-қатынастарды қайта бағалауға арналған бетбұрыс кезеңі. Саған шын мәнінде не қанағат сыйлайтынын өзіңнен сұра және көзқарасыңа сенетін, шығармашылық бастамаларыңды қолдайтын серіктестерді ізде. Жаңа жылда ескі оқиғалармен бетпе-бет келіп, олардың түп-төркініне үңілесің. Барлық өзгерісті бағытыңды нақтылап, әрекеттердің стратегиялық жоспарын құруға апаратын шағын қадамдар ретінде қабылда.
Торпақ
Интимдікке, үй ішіндегі тыныштыққа және өз тамырыңа қайта оралуға басымдық бер. Адамдармен қарым-қатынасты дамытуға бағытталған кезеңнен кейін әлеуметтік энергияң сарқылуы мүмкін, сондықтан саған күш жинау қажет болады. Сонымен қатар кәсіби сала да назар аударуды талап етеді, әсіресе сенің шығармашылық ұшқыныңды. Мансабыңда жаңашылдық енгізу туралы ойланып жүрсің бе? Топпен жұмыс істеу мүмкіндіктеріңді кеңейтіп, бұл серпінді күшейте алады. Сәуірдің соңында жеке тұлғалық жаңғыру кезеңі басталады. Кішігірім өзгеріс жасау немесе қызметіңе жаңа бағыт қосу арқылы бұл трансформацияны нақты іске айналдыр. Өзгерістерге дайындала отырып, үйің мен жақын қарым-қатынастарыңа мейірім мен жұмсақтық енгіз. Биыл, әсіресе жаз мезгілінде, олар маңызды серпілістерге жол ашады.
Егіздер
Егер жылды алдын ала жоспарлап қойған болсаң, 2026 жыл күтпеген тосынсыйлар әкелуі мүмкін. Ол шабыттандыратын серіктестіктен және ойды қозғайтын идеялармен басталады. Зияткерлік ізденістер немесе құндылықтарыңа сай тәлімгерлік арқылы білімің мен дағдыларың кеңейіп, оқуға деген ынтаң артады. Нені меңгергің келеді? Кәсіби саладағы өрлеулер мен құлдыраулар шеберлігіңді шыңдайды. Алайда үйдегі жайлылық мансапқа қатысты кейбір шешімдермен қайшылыққа түсуі мүмкін. Қуат тасқынына берілсең де, қажып кетпеу үшін күшіңді дұрыс бөлуді ұмытпа. Бұл жыл – қызығушылық пен қарым-қатынасқа толы. Сенімдеріңе берік бол және қалыптасқан жүйеде өзгеріс бастайтын тұлға ретінде көрін.
Шаян
Эмоция мен тұлғалық дамуға толы жылдан кейін, 2026 жыл қаржылық тұрақтылық мәселелеріне арналады. Қыс бойы қоғамдық бейнең мен мақсаттарың өзара тоғысып, әрекеттеріңе қолдау көрсетеді. Қандай есіктердің ашылғанын қалайсың? Ішкі және сыртқы сапарлар кәсіби әрі рухани еркіндікке жол ашуы мүмкін. Наурыздың соңына қарай өз-өзіңе деген сеніммен алға жылжисың. Маусымның соңында өз белгіңдегі кері қозғалыс салдарынан күмән қайта пайда болуы ықтимал. Алаңдама! Сөзіңді саралап, барлық артықшылық пен кемшілікті таразылап, бұл кезеңнен байыппен өт. Бұл жыл шығармашылық шабытқа жүгініп, өнерпаздық қырыңды қайта ашуға мүмкіндік береді. Ішкі шығармашылық импульсыңды тыңда!
Арыстан
Бұл жыл керемет болуға уәде береді! Молшылық пен жеке трансформация күтілуде. Алдымен қарым-қатынастарға назар аударайық. Қыс – сенің өміріңді қалыптастыратын байланыстар туралы ойланатын уақыт. Егер жеке өмірің дамымай жатса, шекараларыңды, міндеттемелеріңді және уәделеріңді қайта қарастырған жөн. Наурыз айында одақтар ерекше рөл атқарады: ұйымға қосылсаң да, ортақ ресурстарды басқарсаң да. Жаңа білім іздеуден және қолдау топтарына қатысудан тартынба. Жазға қарай жетістікке, биік мақсаттарға ұмтылыс артады. Шынайы болмысыңды көрсетіп, қанатыңды жай — сенің ықпалың айналаңдағы адамдарды батыл қадамдарға шабыттандыруы мүмкін.
Бикеш
Биыл оқу мен қарым-қатынас арқылы сауығу үдерісі жалғасады. Қаңтардан бастап денсаулыққа қатысты әдеттерің өзгеріп, физикалық төзімділігің артады. Өзгелермен қарым-қатынас арқылы өзіңді тереңірек танып, басымдықтарды дұрыс қоюды үйренесің. Күнделікті назарыңа кім лайық? Қандай армандар әлі де жүзеге асатындай көрінеді? Наурызда қарым-қатынастардағы динамиканы бақылап, интуицияңды раста. Мансапта күтпеген қадамдарға деген қажеттілік кәсіби жаңғыруға жол ашуы мүмкін. Қарқынды бәсеңдету мақсаттарға жету жолын айқындауға көмектеседі. Талпыныстарыңды бағалай отырып, өміріңнің келесі кезеңінің анағұрлым шынайы бейнесін қалыптастырасың.
Таразы
Қаңтар айы қарым-қатынас, ұзақ мерзімді міндеттемелер мен серіктестікке қатысты маңызды әңгімелерге толы болады. Әдеттерің мен жұмыс тәртібіңді қайта қарастыр. Мұны сана мен тәнді тазартатын мүмкіндік деп қабылда. Сәуірдің соңына қарай кейбір интеллектуалдық, философиялық немесе діни ұстанымдарың сынға түсуі мүмкін. Бұл өзгерістер кейбір достық немесе әлеуметтік ортадағы орныңа әсер етуі ықтимал. Есесіне, ішкі мотивацияны зерттеу өсуге қатысты шынайы көзқарас қалыптастырады. Алда — жаңа шабыт беретін мүмкіндіктер мен нәтижелі серіктестікке толы жыл.
Сарышаян
2026 жылы өз болмысыңның күрделілігін тереңірек түсінесің. Бұл – ішкі құпия бағыңа үңілгендей әсер қалдырады: интимдік өмір аспектілері жыл бойы басты назарда болады. Алдымен отбасы мен үй ішіндегі қарым-қатынастардың динамикасына көңіл бөл. Ақпан айы сені жайлы аймақтан шығарып, осалдығыңды ашады. Мәселеге терең бойлау арқылы өз тәжірибеңді шабыт көзіне айналдыруды үйренесің. Осы уақытта кәсіби жобаларың да қарқын алып, күнделікті өмірдегі романтика мен оқиғалардан қуат алады. Қандай шығармашылық бағыт кәсіби өсуіңді күшейте алады? Биыл дарыныңа назар аударып, шынайы қалауларыңды сүзгіден өткіз — бұл өзіңді қайта тануда шешуші рөл атқарады.
Мерген
2026 жылдың басында назарыңды алаңдататын ұсыныстар мен факторлар көп болуы мүмкін. Дұрыс таңдау жаса, стандарттарыңды сақта және неге келісетініңді саналы түрде шеш. Бұл тәсіл ішкі тыныштыққа себеп болады, өйткені ақпан айы оқшаулануға, шығармашылық «инкубаторға» енуге мүмкіндік береді. Жақындық, демалыс пен шығармашылықтың тоғысында эмоцияларыңды жеткізудің жаңа формасын табасың — барлық қызығушылығыңды дамыт. Жыл бойы жеке өмір мен мансап арасында қайшылық тууы мүмкін, сондықтан кәсіби мақсаттар мен негізгі қажеттіліктер арасында тепе-теңдік сақта. Бірнеше сапар жаңа әсерге деген құштарлығыңды қандырады. Жазда тосын оқиғаларға жол беріп, қиял мен орындалмаған армандарды күн тәртібіңе енгіз.
Тауешкі
Қайта пайымдау идеясы жыл бойы негізгі тақырыпқа айналады. Қарым-қатынас саласында белгілі бір өзгерістер орын алады. Алдағы айларда көзқарастарыңды қайта қарауға көңіл бөл. Дарыныңды қандай құрал арқылы көрсетіп жүрсің? Арсеналыңды толықтыр! Отбасылық өмірде, әсіресе үйге қатысты, өзгерістер пісіп-жетілуде. Өз кеңістігіңде өзіңді жайлы сезінесің бе? Тұрған ортаң шабыт бере ме? Қоныс аудару немесе шағын жөндеу де күтпеген нәтижелерге, тіпті кәсіби өзгерістерге әкелуі мүмкін. Наурызға дейін асықпай, анықтық пен нақты жоспарларды күт. 2026 жыл трансформациялық жаңалықтар мен тосын бұрылыстарға толы болады. Өзіңді бағалауға инвестиция сал — ол жыл бойы арта түседі.
Суқұйғыш
Жыл табысқа жетуге деген күшті ықыласпен басталады. Сабыр мен табандылық танытсаң, бұл энергияны жеке болмысыңды іздеуге бағыттай аласың. Биыл кім болғың келеді? Міндеттерді ескере отырып, басымдықтарды қалай қоясың? Бұл сұрақтар қарым-қатынастар туралы ойлармен тығыз байланысты: серіктестік, романтикалық байланыстар, тіпті өткінші әуестіктер де шынайы қалауларыңды аңғартады. Ұзақ мерзімді одақ сені таңғалдырып, дамуыңа қолдау көрсетуі мүмкін. Әріптестеріңнің бірі арқылы өмірлік миссияң туралы түсінік аласың. Бұл жаңа кезең шығармашылыққа толы — өз болмысыңды ашуға мүмкіндік беретіннің бәрін қабылда.
Балықтар
Биыл сенің әл-ауқатың басты орынға шығады. Физикалық энергияны арттыру мен психикалық денсаулықты нығайтуға назар аудар. Мұндай ішкі талдау кейбір аяқталуларға алып келуі мүмкін. Неден бас тартуға дайынсың? Есіктерді жабу — жеке өсу үшін қуатты катализатор, әсіресе ақпан айының соңындағы туған күніңе қарай жасалса. Биыл қаржылық мәселелерде тәртіп пен интуицияға сүйену пайдалы болады. Молшылық тек ақшада емес, ол күнделікті әдеттеріңе де оң әсер етіп, нақты жақсы өзгертулер әкелуі мүмкін. Жыл бойы ашық көзқарасты сақта — сонда тәнің санаңа ілесіп отырады.
Фото: Pexels
Дереккөз: ELLE
