Instagram: @oliviatps
Маусымдық трендтер өзгеріп тұрғанымен, бірнеше мезгіл қатарынан киюге болатын базалық киімдер әрқашан тиімді инвестиция саналады. Әдетте оған қарапайым қысқа жеңді жейделер мен топтар жатады. Бірақ, биылғы жылы сәнді киімдердің кейбірі күзде де өзектілігін жоғалтпайды.
2025 жылдың жазында тренд болған қандай киімдер күзгі образдарға да жарасатынын бірге талдайық.
Трикотаж көйлек
Instagram: @hoskelsa
Бұрын трикотаж тек күзгі немесе қысқы мата деп саналса, қазір жазғы гардеробтың да маңызды элементіне айналды. Әлеуметтік желі инфлюенсерлерінің жазғы образдарынан жиі көріп жүрміз. Әрине, ашық торлы топтар күзге жарамайды. Бірақ, жеңіл трикотаж көйлектерін салқын күндері де еш уайымсыз киюге болады. Бастысы – матасы тығыз болуы тиіс. Тіпті жартылай мөлдір көйлектер де күнделікті образға келеді. Ұзын, кең макси-көйлектерге басымдық берген дұрыс. Күзде ішінен жұқа ішкі қабат киіп, үстінен жакет не пальтомен үйлестіруге болады. Түрлі ашық түстерді күзде де еркін қолдана аласың.
Поло жағалы лонгсливтер
Instagram: @linda.sza
Жаздағы ауа райы тұрақсыз болғандықтан, жеңі ұзын киімдер де трендте. Солардың ішінде ең танымалы – поло жағалы лонгсливтер. Әдетте жолақ матадан тігіледі. Түрлі-түсті болған сайын сәнді көрінеді. Жазда оны шортымен немесе белдемшемен кисең, күзде шалбармен, ұзын белдемшемен үйлестіруге болады. Жакет немесе жеңіл жейдемен де сәтті қабаттастырып киюге мүмкіндік бар.
Жолақты жейде
Instagram: @lara_bsmnn
Жолақты жейде – жаздың ең қажетті киімі. Оны жеке де, екінші қабат ретінде де қолдануға болады. Биыл тік сызықты мақта жейделер трендте. Кең әрі ұзындығы жамбасқа дейін жететін үлгілер күзде де сәнді көрінеді. Жарқын түстер мен контрастты сызықтары бар жейделерге де көңіл бөл. Күзде кең жейдені кең шалбармен немесе классикалық киімдермен үйлестіруге болады.
Шілтерлі топ
Instagram: @svedae
Шілтер сәні биыл қайта оралды. Бұрын шілтермен әшекейленген топтар ескіргендей көрінсе, қазір қайта сәнге енді. Жаз біткен соң да бұл тренд сақталады. Тек мөлдір емес, тығыз матадан тігілгенін таңдаған жөн. Мысалы, мақта немесе атлас. Мұндай топты күзде де жакет, кардиган немесе жейдемен оңай үйлестіруге болады.
Ұзын комбинациялы көйлек
Жазда күнделікті киюге ыңғайлы комбинациялы көйлектер күзде де өзекті бола береді. Ұзын, жырықсыз нұсқаларын таңдасаң, салқын күндері де сәнді көрінесің. Күзде оны көлемді жакетпен немесе жемпірмен үйлестіруге болады. Үлкен аяқ киіммен де әдемі жарасады.
Торлы көйлек пен белдемше
Instagram: @alexandra_aura
Жаңа сексуалдылыққа деген көзқарас өзгергендіктен, енді мөлдір көйлек пен белдемшелерді тек іш киіммен кию міндетті емес. Сол себепті, 2025 жылы мұндай киімдер күзгі сәнге тамаша үйлеседі. Ең бастысы — барынша кең әрі мөлдір матадан тігілген түрлерін таңдаған жөн. Жазда оны спорттық стильдегі киімдермен үйлестіре аласың. Ал суық мезгілде — оны жүннен тігілген костюмдермен, джинс шалбарлармен және басқа да тығыз матадан тігілген киімдердің сыртынан киюге болады.
Бохо стиліндегі жейде
Instagram: @ritamontezuma
Жаздың сәні болған бохо стилі күзде де сәннен қалмайды. Әсіресе, кең, жеңі буф тәрізді жеңіл жейделер гүлді өрнектерімен күздің де сәніне айналады. Мақтадан тігілген, мөлдір емес үлгілерге назар аударған дұрыс. Ірі өрнек немесе кестемен әшекейленген нұсқалары ең жарасымды көрінеді.
Бұл заттарды гардеробыңа қоссаң, күздің ең сәнді бойжеткендерінің қатарында боласың.
Фото: Instagram
