Instagram: @chelsey_weimar
Биылғы күздің басты сән қағидасы — жайлылық.
Әйелдер гардеробындағы нағыз must-have саналатын балеткалар әлі де танымалдылығын жоғалтқан жоқ. Сенде классикалық түрі бар шығар, бірақ кез келген образды заманауи әрі сәнді ете алатын трендегі нұсқасын қалай табамыз?
Модельдер
Instagram: @sofiamcoelho
Ерекше әрі батыл шешімдерді ұнататындар үшін дизайнерлер үшкір тұмсықты балеткаларды ұсынады — олар аяқтың пішінін визуалды түрде ұзын етіп көрсетеді және образға заманауи кескін береді. Соңғы бірнеше маусымда танымалдылығын жоғалтпаған Mary Jane үлгісі де назарға лайық. Оның нәзік дизайны романтикалық ноталар қосады, бірақ классикалық балет стилі немесе «кидкор» әсерін тудырмайды. Ал жылы күз күндеріне ашық өкшелі слингбэк-балеткалар мінсіз жарасады — олар қыркүйектің жеңіл образдарымен тамаша үйлеседі.
Маталар
Instagram: @katerhnapap
Тегіс былғары — төзімділігі мен күтімінің жеңілдігі арқасында фаворит болып саналады. Қара, шиенің қою реңкі немесе изумруд түстегі лакталған балеткалар образыңа жарқындық қосып, әсіресе күздің мәңгілік тренді саналатын preppy стиліне үйлеседі. Қалауың күдері болса, арнайы қорғаныш спрейін алдын ала дайындап қой. Ал атластан жасалған Mary Jane үлгісіндегі балеткалар суықты тоқтата алмаса да, қыркүйек образына айрықша сән береді.
Түстер палитрасы
Instagram: @manondevelder
Биыл күзде жылы реңктер танымал болады: қою қызыл, шоколад түсті және сарғыш. Уақыт сынынан өткен классика — сүт түсті, карамель және сұр балеткалар — кез келген жағдайда жарамды. Батыл образдар үшін дизайнерлер неон акценттері немесе металлик элементтері бар үлгілерді ұсынады. Мұндай аяқ киім қарапайым аутфитті бірден жаңартып жібереді.
Әшекей
Instagram: @linda.sza
Алдыңғы маусымдардағы көлемді әшекейлердің орнына биыл минималистік акценттер сәнде. Аяқ киім реңкімен үйлесетін шағын бантиктер, ұсақ кристалдар немесе әдемі аппликациялар — нәзік әрі талғампаз шешім. Контрастты жиек пен сәндік тігіс минимализмді ұнататындарға лайық. Ал айқасқан белдіктер модельге визуалды күрделілік қосып қана қоймай, жүру кезінде қосымша жайлылық сыйлайды.
Фото: Instagram
