Instagram: @linda.sza
Биылғы маусымда назар аударуға тұрарлық негізгі түрлерін жинадық.
Сән қайталанады, ал 90-жылдар стиліндегі бомберлер әлі де алдыңғы қатардан түскен жоқ. Биылғы тренд — жамбастан төмен түсетін ұзартылған пішін, кең немесе оверсайз-силуэт пен сәл төмендетілген иық сызығымен. Мұндай көлемді күртешелер жеңіл белдемшелермен де, өкшелі аяқ киіммен де үйлесімді көрінеді.
Massimo dutti, massimodutti.com
Күзгі сырт киімдерде қарапайым әрі көрнекі геометриялық формаларға қызығушылық артты. Солардың бірі — сыртқа қарай қайырылған жаға. Олар сырт бейнеге айқындылық пен архитектуралық мәнер береді, күнделікті де, ресми де гардеробқа оңай үйлесіп, даралық пен сәнге саналы көзқарасты айқындайды.
12STOREEZ, 12storeez.com
Zara, zara.com
Парка мен barn jacket қайтадан сән орталығында. Практикалық қасиет — басты назарда, сондықтан сән әлемі функционалды классикаға қайта оралуда. Күләпарасы бар, ұзартылған пішінді және төзімді матадан тігілген парка — қала өміріне арналған сенімді әрі заманауи шешім. Ауылдық стильден бастау алған, бірақ қалалық мінезге ие barn jacket – шынайылық пен табиғи материалдар трендіне толық сай келеді.
Instagram: @emilisindlev
Қысқа спорттық күртешелер. Қолайлы пішіні — қозғалыс еркіндігі мен ыңғайлылықты таңдайтындар үшін. Мұндай модель қимылды шектемейді, жұқа трикотажбен, белі төмен белдемшелермен және винтажды джинс шалбармен жақсы үйлеседі, образға серпінділік пен көше стилінің энергиясын қосады.
Фото: ресейл-платформалары, Instagram
Дереккөз: Umagazine
